काठमाडौँ । टाटा मोटर्सको नेपालका लागि आधिकारिक वितरक सिप्रदी कम्पनिजले ग्राहकवर्गहरूको चाहना र अपेक्षालाई मध्यनजर गर्दै टाटाका जेन्युइन पार्ट्सको मूल्य समायोजन गरेको बताएको छ ।
हाल विद्यमान प्रतिकूल परिस्थितिको कारणले ग्राहकवर्गमा पर्न गएको असरलाई केही कम गर्ने उद्देश्यले सिप्रदी र टाटा मोटर्सको संयुक्त पहलमा टाटा कमर्सियल गाडीको जेन्युइन पार्ट्सको मूल्य समायोजन गरिएको कम्पनीले जनाएकाे छ । अब ग्राहकवर्गले पहिलेको दाँजोमा कम मूल्यमै टाटा जेन्युइन पार्ट्स प्राप्त गर्न सक्नेछन् ।
कम्पनीका अनुसार सिप्रदीको ग्राहकमुखी अवधारणा अनुरुप टाटा जेन्युइन पार्ट्सको मूल्य घटाइएको हो । अब टाटा कमर्सियल गाडीका ग्राहकवर्गहरूले सिप्रदीका वर्कशपहरूमा अनुभवी तथा दक्ष प्रविधिकहरूबाट गाडीको चेकजाँच गर्दा कम खर्चमा टाटा जेन्युइन पार्ट्सको प्रयोगबाट गुणस्तरिय सर्भिसिङको फाइदा उठाउन सक्ने छन् ।
मूल्य समायोजन पश्चात ग्राहकवर्गको व्यवसाय तथा मुनाफामा सकारात्मक प्रभाव पर्ने विश्वास लिइएको कम्पनीको भनाइ छ ।
समायोजित मूल्य यही श्रावण महिनाबाट नेपालभर रहेका सिप्रदीको सम्पूर्ण नेटवर्क – सिप्रदी सर्भिस सेन्टर, आधिकारिक सर्भिस सेन्टर, टाटा जेन्युइन पार्ट्सको डिलर नेटवर्क, च्याम्पियन जोन, सर्टिफाइड ग्यारेज र आकस्मिक मर्मत सेवा केन्द्रमा लागु भएको कम्पनीले जनाएकाे छ ।
साथै सिप्रदी सर्भिस सेन्टरमा फेरिएका टाटा जेन्युइन पार्ट्समा ६ महिना वा ५० हजार किलोमिटर सम्मको वारेन्टी सुविधा पनि कम्पनीले प्रदान् गर्दे आइरहेको बताएको छ ।
प्रतिक्रिया दिनुहोस्