नेप्से परिसूचक ४ अंकले बढ्यो

काठमाडौं । सोमबार नेप्से परिसूचक सामान्य वृद्धि भएको छ । नेपाल स्टक एक्सचेन्जका अनुसार सोमबार सेयर मापक सूचक नेप्से परिसूचक ४.२६ अंकले बढेर १९६९.१८ अंकमा पुगेको छ ।

राम्रा र बलिया कम्पनीको सूचक सेन्सेटिभ परिसूचक ०.०१ अंकले बढेर ३७८.७३ अंकमा पुगेको छ ।

नेप्सेमा कारोबार भएका १३ ओटा उपसमुहमध्ये बैंकिङ उपसमुहको सेयरमूल्य घटेको छ भने बाँकी १२ वटा उपसमुहको सेयरमूल्य बढेको छ ।

सोमबार कारोबार रकमका आधारमा सबैभन्दा बढी रिलायबल लाइफ इन्स्योरेन्स अग्रस्थानमा रहेको छ ।

सोमबार इमर्जिङ नेपाल लिमिटेड र थ्रि स्टर हाइड्रो पावरका लगानीकर्ताले सबैभन्दा धेरै कमाएका छन् । कम्पनीको सेयरमूल्य ९.९९ प्रतिशत र ९.९८ प्रतिशतले बढेर सकरात्मक सर्किट लागेको छ ।

त्यस्तै आजको दिन शुभम् पावरका लगानीकर्ताले सबैभन्दा धेरै गुमाएका छन् । यसको मूल्य ९.९९ प्रतिशतले घटेर नकरात्मक सर्किट लागेको छ ।

कुल २७१ कम्पनीको २८ लाख ७४ हजार २ सय ७५ कित्ता सेयर किनबेच हुँदा ८७ करोड ४ लाख ४४ हजार १ सय ५६ रुपैयाँको कारोबार भएको नेप्सेले जनाएको छ ।