काठमाडौं । पछिल्लो ५ महिनामा नेपाली विद्यार्थीसँगै ५९ अर्ब रुपैयाँ बाहिरिएको छ ।
नेपाल राष्ट्रबैंकले मंगलबार देशको वर्तमान वित्तीय अवस्था सार्वजनिक गर्दै चालु आर्थिक वर्षको पहिलो ६ महिनामा नेपाली विद्यार्थी अध्ययनको शिलशिलामा विदेश जाँदा ५९ अर्ब रुपैयाँ बाहिरिएको जनाएको छ ।
यो अवधिमा अध्ययनका लागि विदेश जाँदा ५८ अर्ब ९५ करोड रुपैयाँ बाहिरिएको राष्ट्रबैंकले सार्वजनिक गरेको विवरणमा उल्लेख छ ।
राष्ट्र बैंकका अनुसार गत आर्थिक वर्षको सोहि अवधिको तुलनामा यस्तो बाहिरिने रकम ६६.७१ प्रतिशतले बढेको छ । गत आर्थिक वर्षको ६ महिनामा ३५ अर्ब ३६ करोड रुपैयाँ शिक्षाका लागि बहिरिएको थियो ।
यसैगरी, समीक्षा अवधिमा खुद सेवा आय ३६ अर्ब ६ करोडले घाटामा रहेको छ । अघिल्लो वर्षको सोही अवधिमा खुद सेवा आय ३६ अर्ब २२ करोडले घाटामा रहेको थियो ।
यस्तै सेवा खाता अन्तर्गत समीक्षा अवधिमा भ्रमण आय ४४।४ प्रतिशतले वृद्धि भई ३९ अर्ब ५६ करोड पुगेको छ । अघिल्लो वर्षको सोही अवधिमा यस्तो आय २७ अर्ब ४० करोड रहेको थियो ।
समीक्षा अवधिमा सेवा खाता अन्तर्गत भ्रमण व्यय ६०.६ प्रतिशतले वृद्धि भई ९२ अर्ब ८७ करोड पुगेको छ । अघिल्लो वर्षको सोही अवधिमा भ्रमण व्यय ५७ अर्ब ८२ करोड रुपैयाँ रहेको थियो ।
प्रतिक्रिया दिनुहोस्