नेपाल भ्रमण गर्ने पर्यटक बढ्दै

काठमाडौँ । सन् २०२४ नोभेम्बरमा एक लाख १५ हजार ५०१ पर्यटक नेपाल भित्रिएका छन् । यो सन् २०२३ नोभेम्बरसम्मको तुलनामा ५.४ प्रतिशतले बढी हो । सन् २०२३ को नोभेम्बरमा १ लाख ८ हजार ६३० पर्यटक नेपाल भित्रिएका थिए ।

नेपाल पर्यटन बोर्डका अनुसार नेपालमा सबैभन्दा बढी भारतीय पर्यटक भित्रिएका छन् । भारतबाट १९ हजार ९१५ पर्यटक भित्रिएका छन् भने यसको हिस्सा १७.४ प्रतिशत रहेको छ ।

अमेरिकाबाट १० हजार ९८१ जना, चीनबाट ९ हजार ४५८ जना, बेलायतबाट ६ हजार ६११ जना, बंगलादेशबाट ५ हजार १४८ जना, अष्ट्रेलियाबाट ४ हजार ८२९ जना, थाइल्याण्डबाट ४ हजार ४६२ जना, श्रीलंकाबाट ४ हजार ३९५, जर्मनीबाट ३ हजार ९२६ जना र फ्रान्सबाट ३ हजार ८४१ जना पर्यटकले नेपालको भ्रमण गरेको बोर्डले जनाएको छ ।