जैविक स्राेतको वैज्ञानिक प्रयोग र प्रवर्द्धन गर्नसके नेपालको कृषिमा आमुल परिवर्तन ल्याउन सकिन्छः कृषिमन्त्री अधिकारी

काठमाडाैँ । कृषि तथा पशुपन्छी विकासमन्त्री रामनाथ अधिकारीले परम्परागत कृषि प्रणालीलाई आधुनिकीकरण गर्दै जैविक श्रोतको वैज्ञानिक प्रयोग र प्रवद्र्धन गर्नसके नेपालको कृषिमा आमुल परिवर्तन ल्याउन सकिने बताएका छन् ।

मंगलवार काठमाडौँमा आयोजित एक कार्यक्रमलाई सम्बोधन गर्दै उनले नेपाल प्राकृतिक स्राेत, साधनले भरिपूर्ण देश भएको तर चिन्न नसकेको बताएका हुन् । उनले नेपाल जस्तो जैविक विविधताले भरिपूर्ण देशमा औषधिय वनस्पति र अन्य जैविक श्रोतहरुको व्यवसायिक र वैज्ञानिक सदुपयोग गर्नसके कृषिको आधुनिकीकरणसँगै आर्थिक समृद्धिमा पनि ठूलो योगदान पु¥याउने बताए ।

उनले नेपालमा पाइने विभिन्न वनस्पति, जडिबुटी, कृषिबाली तथा जैविक श्रोतहरुले हाम्रो कृषि प्रणाली, औषधि उत्पादन, पोषण सुरक्षामा महत्वपूर्ण योगदान पु¥याउने गरेको उल्लेख गरे । उनले जैविक स्राेतहरूको संरक्षण, अनुसन्धान, उत्पादनमुखी व्यवस्थापन तथा व्यवसायिकरण अझै प्रभावकारी हुन नसकेको बताए । 

मन्त्री अधिकारीले सरकार कृषि अनुसन्धान, जैविक विविधताको संरक्षण तथा जैविक श्रोतहरुको औद्योगिक एवं व्यवसायिक प्रयोगलाई प्रवद्र्धन गर्न प्रतिवद्ध रहेको बताए ।