काठमाडाैँ। कुखुराको अण्डाको मूल्यमा गिरावट आएको छ । नेपाल लेयर्स कुखुरापालक संघका अनुसार शुक्रबारबाट प्रतिक्रेट ३० देखि ३५ रुपैयाँले मूल्य समायोजन गरिएको हो ।
संघका अध्यक्ष विनोद पोखरेलका अनुसार बिहीबार बसेको बैठकले मूल्य घटाउने निर्णय गरेको हो । नयाँ मूल्य अनुसार अब मध्यम अण्डा प्रतिक्रेट ३५० रुपैयाँ, ठूलो अण्डा ३७० रुपैयाँ र एक्स–एल अण्डा ३८५ रुपैयाँमा उपलब्ध हुनेछ ।
यसअघि ठूलो अण्डाको मूल्य ४००, मध्यम ३८५ तथा एक्स–एल ४१५ रुपैयाँ प्रति क्रेट थियो । मूल्य समायोजनसँगै उपभोक्ताले केही राहत पाउने अपेक्षा गरिएको छ ।
प्रतिक्रिया दिनुहोस्