राष्ट्र बैंकले गरेन ‘नेपाल पे टाइम’को नविकरण

काठमाडौँ । नेपाल राष्ट्र बैंकले भुक्तानी सेवा प्रदायक कम्पनी नेपाल पे टाइम प्रा. लि. को अनुमतिपत्र नविकरण नगर्ने भएको छ । राष्ट्र बैंकले सुचना जारी गर्दै २०७६ भदौ १९ गते भुक्तानी सेवा प्रदायकको अनुमतिपत्र पाएको नेपाल पे टाइमको सेवा लामो समयदेखि बन्द रहेको, वालेटको एप प्लेस्टोर र एप स्टोरमा नरहेको, संस्थाको संस्थागत सुशासनको अवस्था कमजोर रहेको उल्लेख गरेको छ ।

राष्ट्र बैंकले दिइएका निर्देशनहरुको कार्यान्वयनका लागि प्रतिवद्धता अनुसार कार्य अघि नबढाएको लगायतका तथ्यलाई दृष्टिगत गरी भुक्तानी तथा फस्र्यौट ऐन २०७५ को दफा १३(४) अनुसार नविकरण नगरिएको जनाएको छ ।

नेपाल पे टाइमले जारी गरेका भुक्तानी उपकरणहरु प्रयोग गर्ने ग्राहकहरको संस्थासँग कु्नै लेनदेन बाँकी रहेको भए ३० दिनभित्र सम्बन्धित संस्थामा सम्पर्क गर्न राष्ट्र बैंकले अनुरोध गरेको छ ।