काठमाडौँ । वाणिज्य बैंकहरुले ऋणीहरुले गर्ने आयको स्व घोषणामा भर पर्ने गरेर ऋण दिने गरेको नेपाल राष्ट्र बैंकले उल्लेख गरेको छ । नेपाल राष्ट्र बैंक सुपरिवेक्षण विभागले सार्वजनिक गरेको प्रतिवेदन अनुसार बैंकहरुले ऋणीहरुले स्व घोषणा आयमा भर पर्ने गरेको उल्लेख गरेको हो ।
प्रतिवेदनमा बैंकहरूले ऋण चुक्ता गर्ने क्षमताको मूल्याङ्कन गर्न ऋणीहरूले स्वघोषणा गरेको आयमा भरपर्ने गरेको र त्यस आयलाई पुष्टि गर्ने वैध कागजातहरू प्राप्त नभएको जनाएको छ ।
राष्ट्र बैंकले कतिपय अवस्थामा बैंकहरूले आवश्यक उत्पादन कागजातहरू नबनाई विभिन्न प्रकारका ऋणहरू प्रदान गर्दै आएको र केही कागजातहरू राष्ट्र बैंकको एकीकृत निर्देशन अनुसार बनाउन नियमित रूपमा अद्यावधिक नगरिएको उल्लेख गरिएको छ ।
राष्ट्र बैंकका अनुसार व्यवसाय सञ्चालनमा भए नभएको, कोषको दुरुपयोग, कालोसूचीमा राख्ने, डीरई अनुपात, ऋण पुर्नतालिकीकरण, ब्याजदर परिवर्तन, निष्क्रिय ऋणको गुणात्मकरपरिमाणात्मक मापदण्डहरूको प्रतिवेदनको बारेमा बैंकहरूसँग विस्तृत जानकारी छैन।
राष्ट्र बैंकको एकीकृत निर्देशनको प्रावधान पालना नगरी केही बैंकहरूले कुनै विशेष उद्देश्य बिना नै ५० लाख रुपैयाँभन्दा माथिको व्यक्तिगत ऋण प्रदान गरेको राष्ट्र बैंकले जनाएको छ ।
बैंकहरुले क्रेडिट मूल्याङ्कनको लागि आवश्यक पर्ने आधारभूत कागजातहरू प्राप्त नगरी घुम्ती ऋणहरू नविकरण र प्रदान गरेको उल्लेख गरिएको छ ।
प्रतिक्रिया दिनुहोस्