काठमाडाैँ । भारत नियन्त्रित कश्मीरमा भएको गोलीकाण्डको घटनापछि पाकिस्तानलाई लक्षित गरी भारतले गरेको कदम गैरजिम्मेवार र कानूनी रूपमा आधारहीन रहेको आरोप पाकिस्तानले लगाएको छ ।
पाकिस्तानले भारत विरुद्ध प्रतिवादको श्रृंखला अपनाउने बताएको छ । पाकिस्तानी प्रधानमन्त्री शेहबाज शरीफले बिहीवार राष्ट्रिय सुरक्षा समितिको उच्चस्तरीय बैठकको अध्यक्षता गर्नुभएको विज्ञप्तिमा भनिएको छ ।
समितिले घटनामा पर्यटकहरूको ज्यान गएकोमा चिन्ता व्यक्त गरेको छ र पाकिस्तानले सबै प्रकारका आतंकवादको स्पष्ट रूपमा निन्दा गरेको छ । कुनै पनि विश्वसनीय अनुसन्धान र प्रमाणित प्रमाणको अभावमा आक्रमणलाई पाकिस्तानसँग जोड्ने भारतको प्रयास लापरवाह, तर्कहीन र अतार्किक रहेको जनाएको छ ।
प्रतिक्रियामा पाकिस्तानले वाघा सीमा चौकी बन्द गर्नेछ । भारतीय नागरिकहरूको लागि केही भिसा सुविधाहरू निलम्वन गर्नेछ । इस्लामाबादमा रहेका भारतीय रक्षा, नौसेना र हवाई सल्लाहकारहरूलाई अवाञ्छनीय व्यक्तित्व घोषणा गर्नेछ ।
सबै भारतीय एयरलाइन्सहरूको लागि पाकिस्तानको हवाई क्षेत्र बन्द गर्ने र भारतसँगका सबै व्यापारिक गतिविधिहरू निलम्वन गर्ने बताएको छ । भारतले आक्रमणमा पाकिस्तानको संलग्नता रहेको आरोप लगाएको छ ।
भारत सरकारले सिन्धु जल सन्धि निलम्वन, सीमा बन्द र पाकिस्तानी कर्मचारीहरूलाई निष्कासन गर्ने लगायत पाकिस्तान विरुद्ध धेरै उपायहरूको घोषणा गरेको छ ।
प्रतिक्रिया दिनुहोस्