बालुवाटारमा सत्ता साझेदार दलहरुको बैठक जारी

काठमाडौं । सत्ता साझेदार राजनीतिक दलहरुको बैठक बालुवाटारमा बसेको छ । प्रधानमन्त्री केपी शर्मा ओलीको आह्वानमा सत्ता साझेदार दलहरुको शीर्ष नेताहरुको बैठक प्रधानमन्त्री निवास वालुवाटारमा चलिरहेको छ ।

बैठकमा प्रतिनिधिसभामा आगामी आर्थिक वर्षको विनियोजन विधेयकलाई निर्णयार्थ प्रस्तुत गर्ने सम्भावित कार्यसूची रहेको र सरकार सञ्चालनका विविध विषयमा छलफल भइरहेको स्रोतले जनाएको छ ।

बैठकमा प्रधानमन्त्री एवं नेपाल कम्युनिष्ट पार्टी ९एमाले०का अध्यक्ष ओली, नेपाली कांग्रेसका सभापति एवं पूर्वप्रधानमन्त्री शेरबहादुर देउवा, एमालेका वरिष्ठ उपाध्यक्ष ईश्वर पोखरेल, कांग्रेसका नेता कृष्णप्रसाद सिटौला, लोकतान्त्रिक समाजवादी पार्टी नेपालका अध्यक्ष महन्थ ठाकुर, नागरिक उन्मुक्ति पार्टीका अध्यक्ष रञ्जिता श्रेष्ठ, जनमत पार्टीका अध्यक्ष डा चन्द्रकान्त ९सिके० राउत, जनता समाजवादी पार्टी नेपालका अध्यक्ष अशोककुमार राईलगायत सहभागी छन् ।