असार २४ गतेदेखि आइपिओ जारी गर्दै हिम स्टार उर्जा

काठमाडौं । हिम स्टार उर्जा कम्पनी लिमिटेडले आईपीओ निष्कासन गर्ने भएको छ । कम्पनीले आम सर्वसाधारणका लागि यही असार २४ गतेदेखि आइपिओ निष्काशन तथा बिक्री खुला गर्ने भएको हो । कम्पनीले जारीपूँजीको २५ प्रतिशत अर्थात ९ लाख ३२ हजार ५ सय कित्ता सेयर जारी गर्न लागेको हो ।

कम्पनीले प्रति सेयर १०० रुपैयाँ अंकित दरका ११ लाख १९ हजार कित्ता साधारण सेयर निष्कासन गर्न गत जेठ ९ गते नेपाल धितोपत्र बोर्डबाट अनुमति पाएको थियो ।

जसमध्ये जारीपूँजीको ५ प्रतिशत अर्थात १०० रुपैयाँ अंकित दरका १ लाख ८६ हजार ५ सय कित्ता ओखलढुङ्गा जिल्ला, खिजीदेम्बा गापा वडा न ८ साविक भुसिङ्गा गाविस वा सम्पूर्ण वडा र सोलुखुम्बु जिल्ला लिखुपिके गापा वडा न। २ साविक गोली गाविस वडा न।१,२,३,४,५ का स्थानिय वासिन्दाहरुका लागि र सर्वसाधारणका लागि छुट्टाइएको सेयरको १० प्रतिशत अर्थात रु। १०० अंकित दरका ९३ हजार २५० कित्ता सेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगारी गरिरहेका नेपालीहरुका लागि गत जेठ ३० गतेदेखि असार १३ गतेसम्म जारी गरिएको थियो ।

लगानीकर्ताले न्यूनतम १० कित्ता र अधिकतममा १० ह जार कित्ताका लागि आवेदन दिन सक्नेछन् । लगानीकर्ताले नेपाल धितोपत्र बोर्डबाट स्वीकृती प्राप्त आस्बा सदस्य बैंक तथा वित्तीय संस्थाहरु र तिनले तोकेका शाखा कार्यालय तथा मेरो सेयरबाट समेत आवेदन दिन सक्नेछन्।

यो आईपीओ निष्काशन बन्द छिटोमा असार २७ गते र ढिलोमा साउन ६ गते हुनेछ। कम्पनीको आईपीओ निष्कासन तथा बिक्री प्रबन्धकको रुपमा एनआईसी एशिया क्यापिटल लिमिटेड रहेको छ ।