१८ अंकले घट्यो नेप्से, कारोबार रकम २६ अर्ब रूपैयाँ बढी

काठमाडौँ। साताको कारोबारको पहिलो दिन सेयरबजार दोहोरो अंकले घटेको छ । नेपाल स्टक एक्सचेन्ज नेप्से)का अनुसार सेयर मापक सूचक नेप्से परिसूचक १८.४४ अंकले घटेर २९६४.२० अंकमा झरेको छ ।

आज नेप्सेमा कारोबार भएका कुल १३ ओटा उपसमुहमध्ये ५ ओटा उपसमुहको सेयरमूल्य बढेको छ भने ८ ओटा उपसमुहको सेयरमूल्य घटेको छ ।

आइतबार शिवम् सिमेन्टको सबैभन्दा धेरै कारोबार भएको छ । कम्पनीको एक अर्ब २ करोड ३ लाख ३५ हजार रुपैयाँ बढीको कारोबार भएको छ ।

आजको समता घरेलु लघुवित्त र टे«ड टावरका लगानीकर्ताले सबैभन्दा धेरै कमाएका छन् । यी कम्पनीको सेयरमूल्य क्रमश १० प्रतिशतले बढेर सकारात्मक सर्किट लागेको छ ।

नारायणी डेभलपमेन्ट बैंकका लगानीकर्ताहरुले सबैभन्दा बढी गुमाएका छन् । कम्पनीको सेयरमूल्य ६.३४ प्रतिशतले घटेको छ ।

कुल ३२३ कम्पनीको ५ करोड ८६ लाख ५३ हजार ७६२ कित्ता सेयर किनबेच हुँदा २६ अर्ब ५७ करोड ७४ लाख ३८ हजार रुपैयाँ बढीको कारोबार भएको नेप्सेले जनाएको छ ।