काठमाडाैँ । भौतिक पूर्वाधार तथा यातायात मन्त्री देवेन्द्र दाहाल र मन्त्रालयका सचिव केशवकुमार शर्माबिच कार्यसम्पादन सम्झौता भएको छ ।
मंगलबार मन्त्रालयमा भएको कार्य सम्पादन सम्झौता कार्यक्रममा मन्त्री दाहालले सम्झौतामा उल्लेखित लक्ष्यहरु प्राप्तिका लागि आवधिक लक्ष्य र योजना तर्जुमा गर्न निर्देशन दिएका हुन् ।
“सम्झौतामा मूलभूत लक्ष्यहरू समेटिएका छन्, “मन्त्री दाहालले भने, “प्रधानमन्त्रीले मन्त्रीहरूसँग सम्झौता गर्नुभएको छ, त्यहि अनुसार आज मन्त्री र सचिवबिच सम्झौता भयो । यसलाई मार्गदर्शन ठानेर लक्ष्य प्राप्तिमा लाग्नु हुने छ भन्ने विश्वास छ ।”
गत आर्थिक वर्षमा सवैको मेहनतका कारण पूँजीगत खर्चको नतिजा राम्रो भए पनि त्यसमा ढुक्क नभई थप उच्च नतिला निकाल्ने गरि काम गर्न उनले निर्देशन दिए । सडक विभाग, यातायात व्यवस्था विभाग, रेल विभाग तथा पानी जहाज कार्यालयलाई उच्च नतिजा हाँसिल हुने गरि कार्यसम्पादन गर्न उनको निर्देशन छ ।
यस्तै मन्त्रालयका सचिव शर्माले कुन महिना कति परिणाम निकाल्ने हो, सोहि अनुसार लक्ष्य निर्धारण गरि कार्यसम्पादन गर्न विभागीय प्रमुख तथा महाशाखा प्रमुखहरुलाई निर्देशन दिए ।
गत साउन २९ गते प्रधानमन्त्री र मन्त्रीहरु विच कार्यसम्पादन सम्झौता भएको थियो । सोहि अनुसार मन्त्री र सचिवबिच सम्झौता भएको र अब सचिव तथा विभागीय प्रमुख एवम् महाशाखा प्रमुखहरूबिच सम्झौता गरिने मन्त्रालयका सहसचिव बलराम रिजालले जानकारी दिएका छन् ।
प्रतिक्रिया दिनुहोस्