बिमा प्राधिकरणको अध्यक्ष नियुक्तिका लागि सिफारिस समिति गठन

काठमाडाैँ । सरकारले नेपाल बिमा प्राधिकरणको अध्यक्ष नियुक्तिका लागि तीन सदस्यीय सिफारिस समिति गठन गरेको छ ।

गत सोमबार बसेको मन्त्रिपरिषद्को बैठकले राष्ट्रिय योजना आयोगका उपाध्यक्ष शिवराज अधिकारीको संयोजकत्वमा तीन सदस्यीय सिफारिस समिति गठन गरेको हो ।

समितिको सदस्यमा अर्थ सचिव घनश्याम उपाध्याय र विज्ञ सदस्यमा खोमराज खरेल रहेका छन् । यसअघि भदौ २ गते बसेको मन्त्रिपषिद्को बैठकले प्राधिकरणका अध्यक्ष शरद ओझालाई पदमुक्त गर्ने निर्णय गरेको थियो ।

ओझाको ‘अध्यक्षका लागि आवश्यक योग्यता नपुगेको’ भन्दै सरकार उनलाई हटाएपछि नयाँ अध्यक्षको खोजी गरेको हो ।