३५ दिनभित्र साँवा चुक्ता गरे बोर्डले ऋणीहरूको ब्याज र हर्जना मिनाहा गर्ने

काठमाडौँ । राष्ट्रिय दुग्ध विकास बोर्डले दुग्ध विकास कोषबाट ऋण लिएका दुग्ध उद्योग, सहकारी संघ–संस्था तथा निजी दुग्ध फार्मलाई एकपटकमा मूलधन चुक्ता गर्ने सर्तमा ब्याज र जरिवाना मिनाहा गरिने जनाएको छ ।

बोर्डले शुक्रवार सार्वजनिक गरेको पुनः सूचनामा लेखापरीक्षण प्रतिवेदन (आर्थिक वर्ष २०८१/८२) स्थानीय तहको सिफारिस र सम्पूर्ण साँवा एकमुष्ठ भुक्तानी गर्ने प्रतिबद्धता पत्र सहितको कागजात ३५ दिनभित्र बोर्डको कार्यालय, हरिहरभवन, ललितपुरमा पेश गर्न आग्रह गरिएको छ ।

यसअघि ऋणी संस्थाहरूलाई सोही अवसर प्रदान गरिएको भए पनि आवश्यक कागजात समयमै नआएकाले पुनः सूचना जारी गरिएको बोर्डले जनाएको छ ।