सुनको मूल्यमा नयाँ रेकर्ड, प्रतितोला २ लाख नाघ्यो

काठमाडौं । सुनको मूल्य पहिलोपटक २ लाख रुपैयाँ नाघेको छ । शुक्रबार नेपाली बजारमा सुनको मूल्य प्रतितोला १२ सय रुपैयाँले बढेर प्रतितोला २ लाख ६ सय रुपैयाँ कायम भएको नेपाल सुनचाँदी महासंघले जनाएको छ । अाज काराेबार भएकाे सुनकाे मूल्य हालसम्मकै महंगाे भएकाे महासंघले जनाएकाे छ ।

हिजो र साउन २३ गते सुनको मूल्य १ लाख ९९ हजार ४ सय रूपैयाँमा पुगेर नयाँ रेकर्ड कायम गरेकाे थियाे ।

त्यस्तै आज चाँदीको मूल्य पनि बढेको छ । बजारमा आज चाँदीको मूल्य प्रतितोला ५ रुपैयाँले बढेर २ हजार ३६० रुपैयाँमा कारोबार भएको महासंघले जनाएको छ ।