काठमाडाैँ । कतारका प्रधानमन्त्री तथा विदेशमन्त्री शेख मोहम्मद बिन अब्दुलरहमान बिन जसिम अल–थानीले भ्रम र विघटनकारी प्रयासहरूको बावजुद कतार र इजिप्ट गाजामा युद्ध अन्त्य गर्न प्रतिवद्ध रहेको बताएका छन् ।
इजिप्टको उत्तरी तटमा रहेको नयाँ अलामेन शहरमा इजिप्टका विदेशमन्त्री बद्र अब्दुलट्टीसँगको संयुक्त पत्रकार सम्मेलनमा बोल्दै अल–थानीले दुई देशहरू गाजामा जनता विरुद्धको नरसंहार रोक्न दृढ रहेको बताए ।
वर्तमान अवस्था दुर्भाग्यपूर्ण र लज्जास्पद रहेको पनि बताए । हमासले गत हप्ता अनुमोदन गरेको कतार र इजिप्टको मध्यस्थतामा गरिएको प्रस्तावको औपचारिक रूपमा प्रतिक्रिया दिन इजरायल असफल भएपछि वार्ता अवरुद्ध भएको छ ।
अब्देलाट्टीले प्यालेस्टिनीहरूलाई विस्थापित गर्ने कुनैपनि प्रयासलाई इजिप्टले अस्वीकार गरेको बताए ।
प्रतिक्रिया दिनुहोस्