काठमाडाैँ । भौतिक पुर्वाधार तथा यातायात मन्त्री देवेन्द्र दाहालले सरकारले रोजगारी सिर्जना प्रवर्धन हुने कार्यक्रमलाई प्राथमिकता दिएको बताएका छन् ।
शनिबार काठमाडौँमा आयोजित विद्युतीय परिवहन प्रा.लिको विशेष साधारणसभालाई सम्बोधन गर्दै उनले रोजगारी प्रवर्धनका लागि विभिन्न तालिम, प्रशिक्षण तथा सीप हस्तान्तरणका कार्यक्रम सञ्चालन गरि रहेको पनि बताएका हुन् ।
वातावरणमैत्री र स्वच्छ उर्जाको उपयोग गरि थप रोजगारी सिर्जना तर्फ लाग्नु पर्ने उनले उल्लेख गरे । स्वदेशमै उत्पादित विद्युतको उपयोग प्रवर्धन गरि नेपाली मुद्रा बिदेश जानबाट रोक्न सकिने तर्फ ध्यान दिने बेला आएको पनि मन्त्री दाहालले बताए।
विद्युतीय परिवहनको माध्यमबाट नेपाली महिला तथा युवाहरू स्वरोजगार समेत भइरहेकोले यस क्षेत्रलाई आवश्यक नियम बनाइ थप ब्यवस्थित पारिने समेत उनले उल्लेख गरे ।
कार्यक्रममा संघीय सान्सद ठाकुर गैरे, विभिन्न यातायात व्यवसायी लगायतले विद्युतीय यातायात प्रवर्धनमा जोड दिएका थिए ।
प्रतिक्रिया दिनुहोस्