दशैंको लागि भदौ २९ गतेदेखि राष्ट्र बैंकले सुकिला नोट साट्ने

काठमाडौँ । नेपाल राष्ट्र बैंकले दशैंका लागि २०८२ भदौ २९ गतेदखि सुकिला नोटा साट्ने भएको छ । गत वर्षको बडादशैमा पनि सुकिला नोट साटेको राष्ट्र बैंकले २०८२ सालको बडादशैंका लागि पनि २०८२ भदौ २९ गतेदेखि २०८२ असोज १० गतेसम्म सुकिला नोट साट्ने जनाएको हो ।

राष्ट्र बैंकको मुद्रा व्यवस्थापन विभाग थापाथली, प्रदेश कार्यालय (विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज, धनगढी) र क, ख र ग वर्गका बैंक तथा वित्तीय संस्थाका शाखा कार्यालयहरूबाट सर्वसाधारण लगायत विभिन्न संस्थाहरूले सुकिला बैंकनोट सटही गर्न सक्ने जनाइएको छ ।