साउन महिनामा जीवन बिमा कम्पनीहरूले गरे १९ अर्बभन्दा बढी बिमाशुल्क संकलन, कुनकाे कति ?

काठमाडौँ । चालु आर्थिक वर्ष २०८२/०८३ को पहिलो महिना(साउन) मा जीवन बिमा कम्पनीहरूले १९ अर्ब रुपैयाँभन्दा बढीको बिमाशुल्क संकलन गरेका छन् ।

नेपाल बिमा प्राधिकरणका अनुसार सञ्चालनमा रहेका १४ वटा जीवन बिमा कम्पनीहरूले २ लाख ८४ हजार १७६ ओटा बिमा पोलिसी बिक्री गरी १९ अर्ब ६५ करोड ३३ लाख ५५ हजार रुपैयाँ कुल बिमामाशुल्क संकलन गरेका हुन् ।

यस अवधिमा सबैभन्दा धेरै नेपाल लाइफले कुल बिमाशुल्क संकलन गरेको छ । सो अवधिमा कम्पनीले ६ अर्ब १९ करोड २५ लाख ६९ हजार रुपैयाँ कुल बिमाशुल्क संकलन गरेको छ भने नेशनल लाइफले २ अर्ब ४१ करोड ४५ लाख ३६ हजार रुपैयाँ कुल बिमाशुल्क संकलन गरेको छ ।

त्यस्तै एलआइसी नेपालले २ अर्ब ३ करोड ९९ लाख रुपैयाँ, हिमालयन लाइफले २ अर्ब २ करोड ८१ लाख रुपैयाँ कुल बिमाशुल्क संकलन गरेको छ । सूर्यज्योति लाइफले १ अर्ब २४ करोड ५२ लाख रुपैयाँ, एशियन लाइफले ९४ करोड ८६ लाख , सिटिजन लाइफले ८५ करोड ६४ लाख रुपैयाँ कुल बिमाशुल्क संकलन गरेको छन् ।

यसैगरि राष्ट्रिय जीवन बिमा कम्पनीले ४३ करोड ३९ लाख रुपैयाँ कुल बिमाशुल्क संकलन गर्दा सानिमा रिलायन्स लाइफले ७१ करोड ९५ लाख आर्जन गरेका छन् । मेट लाइफले ५३ करोड ९९ लाख रुपैयाँ कुल बिमाशुल्क संकलन गरेको छ । त्यसैगरी आइएमई लाइफले ६७ करोड ५ लाख रुपैयाँ कुल बिमाशुल्क संकलन गरेको छ । प्रभु महालक्ष्मी लाइफले ६८ लाख, रुपैयाँ कुल बीमाशुल्क संकलन गरेको छ ।

रिलायबल नेपाल लाइफले ७१ करोड ९५ लाख रुपैयाँ कुल बिमाशुल्क संकलन गर्दा सन नेपाल लाइफले ३६ करोड ५२ लाख रुपैयाँ कुल बिमाशुल्क संकलन गरेको प्राधिकरणको तथ्याङ्कले देखाएको छ ।