नेप्से ३१ अंकले घट्यो, ६ अर्ब माथिको कारोबार

काठमाडौं । साताको कारोबारको पहिलो दिन सेयरबजार राताम्ये बनेको छ । नेपाल स्टक एक्सचेन्जका अनुसार आइतबार सेयर मापक सूचक नेप्से परिसूचक ३१.१७ अंकले घटेर २७४९.८३ अंकमा झरेको हो ।

अआज नेप्सेमा कारोबार भएका कुल १३ उपसमुहमध्ये सबै उपसमुहको सेयरमूल्य घटेको छ । आइतबार नेप्सेमा नेपाल रिइन्स्योरेन्स कम्पनीको सबैभन्दा धेरै कारोबार भएको छ । कम्पनीको ४५ करोड ४६ लाख रुपैयाँ बढीको कारोबार भएको नेप्सेले जनाएको छ ।

आजको दिन नेप्सेमा उन्नती सहकार्य लघुवित्तका लगानीकर्ताले सबैभन्दा धेरै कमाएका छन् । कम्पनीको सेयरमूल्य ६.७७ प्रतिशतले बढेको छ ।

त्यस्तै आज ग्लोबल आइएमआई समुन्नत योजना–२ का लगानीकर्ताले सबैभन्दा धेरै गुमाएका छन् । योजनाको सेयरमूल्य १० प्रतिशतले घटेर नकरात्मक सर्किट लागेको छ ।

कुल ३२१ कम्पनीको १ करोडढ ४८ लाख ५ हजार ५ सय ६९ कित्ता सेयर किनबेच हुँदा ६ अर्ब ६ करोड १८ लाख रुपैयाँ बढिको सेयर किनबेच भएको नेप्सेले जनाएको छ ।