नाडाको साधारण सभा भदौ २४ गते, महासंघमा रूपान्तरणको तयारी

काठमाडौँ । नाडा अटोमोबाइल्स एसाेसिएसन अफ नेपालले महासंघमा रूपान्तरण गर्ने प्रक्रियाअन्तर्गत विशेष साधारण सभा आह्वान गरेको छ।

एसाेसिएसनका महासचिव सुरेन्द्रकुमार उप्रेतीका अनुसार नाडाको २१औँ केन्द्रीय कार्यसमिति बैठकले भाद्र २४ गते मंगलबार बिहान ११ बजे झम्सिखेलस्थित ‘द प्लाजा’मा विशेष साधारण सभा गर्ने निर्णय गरेको हो।

महासंघमा लैजाने ऐतिहासिक निर्णयलाई कार्यान्वयनमा लैजान सदस्यहरूको उपस्थितिआवश्यक रहेको भन्दै नाडाले विशेष साधारण सभामा सहभागी हुन सबै सदस्यलाई आग्रह गरेको छ।

नाडाका अनुसार यस निर्णयले संस्थालाई वास्तविक रूपमा राष्ट्रिय स्तरको संगठनका रूपमा स्थापित गर्ने र आफ्ना सदस्यहरूको हकहितको संरक्षण गर्ने अवसर प्रदान गर्नेछ।