दसैँ मनाउन घर जानेहरूको चहलपहल बढ्यो

काठमाडाैँ । राजधानीबाट गाउँघरमा दशैँ मनाउन जानेहरूको चहलपहल सुरू भएको छ ।

नयाँ बसपार्क लगायतका बस छुट्ने स्थानहरूमा घर जानेहरूको संख्या दिनानुदिन बढ्दै गएको छ । काम र पढाईको सिलसिलामा राजधानीमा रहेकाहरू दशैँ मनाउनको लागि घर फर्किन थालेका हुन् । यातयात व्यवसायीहरूले दशैँका लागि अग्रिम टिकट बुकिङ खुला गरेका छैनन् ।

टिकट बुकिङ खुला नभएका कारण मानिसहरु यसपटक घटस्थापना अगाडदेखि नै घर जान थालेका हुन् । जेन-जी आन्दोलनका कारण देशमा उत्पन्न भएको राजनितिक परिस्थितिले अधिकांश विद्यालय, क्याम्पसहरू बिदा भइसकेका छन् । विद्यालय, क्याम्पस बिदा भएसँगै घर फर्किन जानेहरुको बसपार्कमा चहलपहल बढेको हो ।

गएका वर्षहरूमा यातयात व्यवसायीहरुले दशैँका लागि अग्रिम टिकट बुकिङ खुलाउने गरेका थिए । फूलपातीदेखि टीकाको दिनसम्मलाई दशैँको महत्वपूर्ण दिनका रुपमा मनाउने गरिन्छ । फूलपातीको दिनसम्म यात्रु बाहिरिने गरेका ट्राफिक प्रहरीले जनाएको छ । यसवर्ष दशैँको टीका असोजको १६ गते रहेको छ ।