काठमाडौँ । नेपाल पर्वतारोहण संघ (एनएमए) को ५२औँ वार्षिकोत्सवको अवसरमा नेपाल प्रहरीकी सई कुन्जाङ छोपाल शेर्पा सम्मानित भएकी छन् ।
पासाङ ल्हामु शेर्पा साहसी महिला पर्वतारोही पुरस्कार’ बाट सम्मानित भएकी हुन् ।
उनले सगरमाथा आरोहण गर्ने पहिलो महिला प्रहरी अधिकारीको कीर्तिमान बनाएकी हुन्। पुरस्कार विजेताहरूलाई सुनजडित पदक प्रदान गरिएको थियो।
कार्यक्रममा तीन जना पर्वतारोही र दुई जना पत्रकारलाई प्रतिष्ठित पुरस्कार प्रदान गरिएको थियो।
पर्यटन विभागका नवनियुक्त महानिर्देशक रामकृष्ण लामिछाने प्रमुख अतिथि थिए। उनले एनएमए अध्यक्ष फुर गेल्जे शेर्पासँगै नेपाल र एनएमएको झण्डा फहराए र केक काटेर कार्यक्रमको उद्घाटन गरे।
१४ वटा आठ हजार मिटरभन्दा माथिका शिखरहरू डाउन फेदर बिना आरोहण गर्ने इतिहास रच्ने मिङ्मा तेन्जी शेर्पालाई ‘कुमार खड्ग विक्रम शाह एडभेन्चर अवार्ड’ प्रदान गरिएको थियो।
विश्वको दोस्रो अग्लो शिखर के–टू छप्काउनका लागि विश्व कीर्तिमान बनाएका सिद्धि बहादुर तामाङले ‘डा. हर्क गुरुङ पर्वतारोहण पुरस्कार’ पाए।
नेपाल प्रहरीकी सई कुन्जाङ छोपाल शेर्पा, जसले सगरमाथा आरोहण गर्ने पहिलो महिला प्रहरी अधिकारीको कीर्तिमान बनाइन्, ‘पासाङ ल्हामु शेर्पा साहसी महिला पर्वतारोही पुरस्कार’ बाट सम्मानित भइन्। यी सबै पुरस्कार विजेताहरूलाई सुनजडित पदक प्रदान गरिएको थियो।
पत्रकार सुरज कुनवर र पवन फुयाललाई ‘दावा नोर्बु माउण्टेन जर्नालिज्म अवार्ड’ प्रदान गरिएको छ। दुबै जनाले २० हजार रुपैयाँ नगद पुरस्कार प्राप्त गरे
एनएमएकी लेखा सहायक प्रमिला सिग्देललाई आ.व. २०८१/०८२ का उत्कृष्ट कर्मचारीको रूपमा १० हजार रुपैयाँसहित सम्मान गरिएको छ।
एनएमएले हरेक वर्ष वार्षिकोत्सवका अवसरमा कीर्तिमानी आरोही, हिमाल पर्यटनसँग सम्बन्धित संस्था, पत्रकार र आफ्ना कर्मचारीलाई सम्मान गर्दै आएको छ।
पुरस्कार वितरणअघि महानिर्देशक लामिछानेले बिरुवा रोपेर कार्यक्रमको उद्घाटन गरेका थिए।
आफ्नो सम्बोधनमा उनले एनएमएको योगदानको प्रशंसा गर्दै यसलाई कानुनी रूपमा सरकारी निकायको दर्जा दिनुपर्ने सुझाव दिए।
एनएमए अध्यक्ष शेर्पाले संघको ३५औँ साधारण सभाले पारित गरेका योजनाहरूबारे जानकारी दिएका थिए।
५२औँ एनएमए दिवसमा सरकारी अधिकारी, संघका सदस्य, पूर्व कार्यसमिति सदस्य, वर्तमान कार्यसमिति तथा सञ्चारकर्मीहरूको उपस्थितिमा कार्यक्रम सम्पन्न भएको थियो।
प्रतिक्रिया दिनुहोस्