पछिल्लो ३ महिनामा विरगन्ज नाकाबाट २.८४ खर्ब रुपैयाँ बढिको आयात

काठमाडौं । चालु आर्थिक वर्षको कात्तिक महिनासम्म वीरगञ्ज नाकाबाट २ खर्ब ८४ अर्ब ८९ करोडबरारको वस्तु तथा सामान आयात भएको छ । यो गत आवको सोही अवधिको तुलनामा ४३ अर्ब ८६ करोडले बढी हो ।

गत आवको कात्तिकसम्म भने २ खर्ब ४१ अर्ब ३ करोडबराबरको वस्तु तथा सामान आयात भएको थियो । यस्तै यो अवधिमा आयातका साथसाथै राजश्व समेत वृद्धि भएको विरगन्ज भन्सार कार्यालयले जनाएको छ ।

भन्सार कार्यालयलका अनुसार चार महिनाको अवधिमा ७५ अर्ब ५९ करोड राजश्व संकलन भएको छ । गत आवको कात्तिकसम्म भने ६६ अर्ब ७३ करोड राजश्व संकलन भएको थियो ।

यस्तै वीरगञ्ज नाकाबाट चार महिनामा ५४ अर्ब १२ करोड मूल्यबराबरको पेट्रोलियम पदार्थ, २५ अर्ब ५२ करोडको फलाम तथा फलामबाट बनेको सामान, १९ अर्ब ५४ करोड मूल्य पर्ने मेसिनरी तथा पार्टपुर्जा, १८ अर्ब ३१ करोडको भटमासको कच्चा तेल, १६ अर्ब बढीको इलेक्ट्रिक मेसिनरी, उपकरण र तिनका पार्टपुर्जा र १५ अर्ब ४३ करोडको मलखाद आयात भएका छ ।