राजतन्त्र पुनःस्थापनाको मागसहित काठमाडौँमा शाही युवा शक्तिको प्रदर्शन

काठमाडाैँ ।राजावादीहरूले काठमाडौँको बिजुलीबजारमा प्रदर्शन गरेका छन् । 

शाही युवा शक्ति नेपालको आयोजनामा शनिवार उनीहरूले प्रदर्शन गरेका हुन् । राजतन्त्र पुनःस्थापनाको माग राखी प्रदर्शन गरिएको हो ।

राजतन्त्र पुनःस्थापनाको लागि जनदबाब सिर्जना गर्न शान्तिपूर्ण प्रदर्शन गरिएको शाही युवा शक्ति नेपालले जनाएको छ । प्रदर्शनमा एक दर्जन बढी युवाहरू सहभागी थिए । पछिल्लो समय केही समूहहरुले राजतन्त्र पुनः स्थापनाको माग राखी प्रर्दशन गर्ने गरेका छन् ।