काठमाडाैँ । व्यवसायी दुर्गा प्रसाईंले फागुन २१ गते निर्धारित निर्वाचन नहुने दाबी गरेका छन् ।
शनिबार पत्रकारहरूसँग कुरा गर्दै उनले अहिलेको सरकार र यसको नेतृत्वमा रहेका व्यक्तिहरू विगतका सरकारहरूसँगै समान प्रवृत्तिका रहेको आरोप लगाउँदै चुनाव सम्भव नदेखिएको धारणा राखेका हुन् ।
प्रसाईंले वर्तमान सरकारलाई ‘भ्रष्टाचारमा अडिएको संरचना’ भन्दै प्रधानमन्त्री सुशीला कार्कीको नेतृत्वमै पनि सुधारको अपेक्षा गर्न नसकिने टिप्पणी गरे। उनका अनुसार अन्तरिम सरकारकी प्रधानमन्त्री कार्कीमाथि समेत सरकारी जग्गा अतिक्रमण गरेको आरोप उठेकाले भ्रष्टाचारविरोधी प्रतिबद्धता भ्रम मात्र भएको छ। “चुनाव हुँदैन, स्पष्ट छ,” प्रसाईंले भने, “अहिलेका शासकहरूसँग विगतको भन्दा फरक केही छैन। मैले भने कुनै अनियमितता गरेको छैन।”
उनले मंसिर २२ गते प्रधानमन्त्री कार्कीसँग आफ्ना मागसहित भेटवार्ता हुने जानकारी गराउँदै त्यसपछि मात्रै सरकार माग सम्बोधनतर्फ कति गम्भीर छ भन्ने थाहा हुने बताए। माग पूरा नभए आन्दोलनमा उत्रिने चेतावनी पनि प्रसाईंले दिए ।
प्रतिक्रिया दिनुहोस्