काठमाडौं । घोराही सिमेन्ट इन्डस्ट्रीज लिमिटेडले आव २०८१/८२ का लागि कुल १०.५२६३ प्रतिशत लाभांश प्रस्ताव गरेको छ।
मंसिर १२ गते बसेको सञ्चालक समितिको बैठकले १० प्रतिशत बोनस सेयर र कर तिर्नुपर्ने ०.५२६३ प्रतिशत नगद लाभांश वितरण गर्ने निर्णय गरेको हो।
लाभांश पारित गर्न कम्पनीले पाँचौँ वार्षिक साधारण सभा पुस १४ गते, दाङको होटल पौवामा बिहान ९ बजेबाट गर्ने भएको छ।
सभामा यसअघि चौथो साधारण सभाबाट पारित ७५ प्रतिशत हकप्रद सेयर जारी प्रक्रिया धितोपत्र बोर्डमा दर्ता भई अगाडि बढेको जानकारी दिइनेछ।
बोनस र हकप्रदपछि हुने चुक्ता तथा जारी पुँजीअनुसार प्रबन्ध–पत्र संशोधन गर्ने प्रस्ताव पनि सभामा पेश हुने छ।
यस्तै, आव २०८१र८२ को वार्षिक प्रतिवेदन, लेखापरीक्षण प्रतिवेदन, वासलात, नाफा–नोक्सान विवरण लगायतका वित्तीय विवरण छर्लङ्ग पारेर पारित गर्ने एजेन्डा छ। साथै सञ्चालन सहज बनाउन संस्थापक सेयरधनीबाट सापटी रकम व्यवस्था, चालु आवका लागि लेखापरीक्षक नियुक्ती, पारिश्रमिक निर्धारण र संस्थापक समूहबाट सञ्चालक निर्वाचन सम्बन्धी प्रस्तावहरू पनि सभामा पेश गरिनेछन्।
प्रतिक्रिया दिनुहोस्