८ सय रुपैयाँले बढ्यो सुनको मूल्य

काठमाडाैँ । नेपाली बजारमा बुधवार सुनको मूल्य बढेको छ ।

बुधवार सुनको मूल्य ८ सय रुपैयाँले बढेको नेपाल सुनचाँदी रत्न तथा आभूषण व्यवसायी महासंघले जनाएको छ ।

महासंघकाअनुसार मंगलवार प्रतितोला २ लाख ५३ हजार ३ सय रुपैयाँमा कारोबार भएको सुन बुधवार बढेर २ लाख ५४ हजार १ सय रुपैयाँ कायम भएको छ । चाँदीको मूल्य समेत बढेको छ ।

महसंघका अनुसार चाँदी प्रतितोला ११० रुपैयाँले बढेको हो । मंगलबार प्रतितोला ३ हजार ५४५ रुपैयाँमा कारोबार भएको चाँदी बुधवार बढेर ३ हजार ६ सय ५५ रुपैयाँ पुगेको छ ।