काठमाडाैँ । राष्ट्रपति रामचन्द्र पौडेलले महाशिवरात्रिको पावन अवसरमा आईतवार पशुपतिनाथ र काठमाडौंको सिफलस्थित भण्डारेश्वर महादेव मन्दिरको दर्शन एवं पूजाआराधना गरेका छन् ।
हाशिवरात्रि २०८२ का अवसरमा पशुपतिनाथ मन्दिरमा विशेष पूजाआराधना गरेलगत्तै राष्ट्रपति पौडेल प्रथम महिला सविता पौडेलसहित सिफल पुगेका थिए । मन्दिर प्रवेश गरेका राष्ट्रपति पौडेललाई मन्दिरका पुजारीले विधिपूर्वक पूजा गराई टीका, माला र फूलप्रसाद प्रदान गरेका थिए ।
सोही अवसरमा पूर्वप्रधानन्यायाधीश सुशीला कार्कीले पनि पशुपतिनाथ महादेवको दर्शन गरेका थिइन् । उच्च पदस्थ व्यक्तित्वहरूको आगमनलाई ध्यानमा राख्दै मन्दिर परिसरमा सुरक्षा व्यवस्था मजबुत पारिएको थियो भने स्थानीय भक्तजनहरूले उनीरूको स्वागत गरेका थिए ।
प्रतिक्रिया दिनुहोस्