काठमाडौँ । होटल फरेष्ट इन लिमिटेडको आइपिओ बाँडफाँड भएको छ ।
कुल सदर आवेदकमध्ये ३ लाख ३२ हजार जनालाई १० कित्ताका दरले ३३ लाख २० हजार कित्ता सेयर बाँडफाँड गरिएको छ ।
२ करोड ६१ लाख ५७ हजार ३ सय ६० कित्ता सेयरका लागि २४ लाख ४ हजार ४ सय ७७ आवेदन सदर भएको थियो ।
बिक्री प्रबन्धक एनआइसी एशिया क्यापिटलले काठमाडौँको बुढानिलकण्ठमा रहेको होलिडे इन रिसोर्टमा आज बिहान आइपिओ बाँडफाँड गरेको हो ।
कम्पनीले गत माघ २२ गतेदेखि २६ गतेसम्म सर्वसाधारणका लागि आइपिओ निष्कासन गरेको थियो ।
एनआईसी एशिया क्यापिटलका अनुसार कम्पनीको आइपिओमा कुल २६ लाख ६० हजार ४५२ आवेदकबाट २ करोड ९९ लाख ७८ हजार ८६० कित्ता सेयर खरिदका लागि आवेदन परेको थियो ।
प्रतिक्रिया दिनुहोस्