प्रतिनिधि सभा निर्वाचनकाे समयमा रुपन्देही सिमाना नाका तीन दिन बन्द हुने

काठमाडाैँ । प्रतिनिधि सभा सदस्य निर्वाचन, २०८२ लाई स्वतन्त्र, निष्पक्ष र भयरहित वातावरणमा सम्पन्न गराउन जिल्ला प्रशासन कार्यालय रुपन्देहीले भारतसँग सिमा जोडिएका सबै नाकाहरू बन्द गर्ने निर्णय गरेको छ।

सहायक प्रमुख जिल्ला अधिकारी एवं सूचना अधिकारी मेघनाथ पाध्याका अनुसार सिमाना नाका १८ गते (सोमबार) राति १२ बजेबाट २१ गते (बिहीबार) राति १२ बजे सम्म बन्द रहनेछ।

यस क्रममा मतदान कार्य सम्पन्न नहुँदासम्म एम्बुलेन्स, दुग्ध ट्याङ्कर, दमकल, दुरसञ्चार सेवा, अस्पताल सेवा, विद्युत सेवा लगायत अत्यावश्यक सेवा र अनुमती प्राप्त सवारी साधन बाहेक अन्य सवारी साधन संचालनमा रोक लगाइएको छ।