आइपिओ जारी गर्ने तयारीमा दि निलय होटल्स

काठमाडौँ । दि निलय होटल्स लिमिटेड ले सर्वसाधारणका लागि प्रारम्भिक सार्वजनिक निष्कासन (आइपिओ) जारी गर्ने तयारी गरेको छ। कम्पनीले आइपिओ निष्कासनसम्बन्धी प्रस्ताव पारित गर्न साधारण सभा बोलाएको छ ।

फागुन १९ गते बसेको सञ्चालक समितिको बैठकले चैत १३ गते बिहान ११ बजे धादिङको थाक्रे गाउँपालिकास्थित कम्पनीको होटल कार्यालयमा सभा आयोजना गर्ने निर्णय गरेको जनाएको छ।

सभामा सर्वसाधारणका लागि आईपीओ जारी गर्ने विशेष प्रस्ताव पारित गर्नुका साथै स्वतन्त्र सञ्चालकको नियुक्ति अनुमोदन गर्ने कार्यसूची रहेको छ। साथै, बैंक तथा वित्तीय संस्थाबाट कर्जा लिने वा अन्य वित्तीय साधनमार्फत आवश्यक पूँजी संकलन गर्ने तथा आवश्यक परे मर्जर प्रक्रियामा जाने विषयमा समेत निर्णय गरिने कम्पनीले जनाएको छ।

गत आर्थिक वर्षको वार्षिक प्रतिवेदन तथा वित्तीय विवरणहरू पारित गर्ने कार्यसूची रहेको छ । । सभाबाट प्रस्तावहरू पारित भए पश्चात कम्पनीले नियामकीय प्रक्रिया पूरा गरी आइपिओ निष्कासन प्रक्रिया अघि बढाउने जनाएको छ ।