काठमाडौं। प्रधानमन्त्री बालेन्द्र शाह ले आज मन्त्रिपरिषद् बैठक आह्वान गरेका छन्। बैठक दिउँसो ४ बजे सिंहदरबार मा बस्ने प्रधानमन्त्रीको सचिवालयले जनाएको छ।
बैठकमा विभिन्न समसामयिक विषयहरूसँगै रिक्त रहेका महत्वपूर्ण पदहरूमा नियुक्ति गर्ने विषय प्राथमिकतामा रहने बताइएको छ।
विशेषगरी नेपाल राष्ट्र बैंक का डेपुटी गभर्नर पद लामो समयदेखि रिक्त रहेकाले आजको बैठकमा यसबारे निर्णय हुन सक्ने चर्चा छ।
यस्तै, संवैधानिक तथा प्रशासनिक निकायअन्तर्गत अन्य पदपूर्ति सम्बन्धी विषय पनि छलफलमा रहने सम्भावना छ।
सरकारको नियमित कार्यसूचीसँगै नियुक्ति प्रक्रियालाई गति दिने अपेक्षासहित आजको मन्त्रिपरिषद् बैठकलाई चासोका साथ हेरिएको छ।
प्रतिक्रिया दिनुहोस्