काठमाडाैँ । प्रमुख प्रतिपक्ष दल नेपाली काँग्रेसका सभापति गगनकुमार थापाले प्रधानमन्त्री बालेन्द्र साहले आफ्नो मान्छेलाई प्रधानन्यायाधीश बनाउनका लागि अनेक जालझेल गरिरहेको आरोप लगाएका छन् ।
बुधबार पार्टी संसदीय दलको बैठकपछि सञ्चारकर्मीसँग संक्षिप्त प्रतिक्रिया दिँदै उहाँले प्रधानमन्त्री साहले आफ्नो मान्छेलाई प्रधानन्यायाधिस बनाउनका लागि संवैधानिक परिषद् सम्बन्धि अध्यादेश ल्याएको जिकिर समेत गरे ।
संसदको अधिवेशन आह्वान गर्ने र संसदको अधिवेशन बन्द गर्ने सो खेल सरकारले आफ्नो मान्छेलाई प्रधानन्यायाधीश बनाउनका लागि रचिएको प्रपञ्च भएको सभापति थापाको भनाइ छ । उनले प्रधानमन्त्री साहले संवैधानिक परिषद्माथि आफ्नो नियन्त्रण कायम गर्न सो सम्बन्धि कानून अध्यादेशमार्फत संशोधन गराएको पनि बताए ।
प्रधानमन्त्री साहले आफ्नो मान्छेलाई प्रधानन्यायाधीश बनाउने कुरा आफ्नो पार्टीलाई मान्य नहुने चेतावनी सभापति थापाले दिए ।
बिहीबार भोली अपरान्ह ५ बजे संवैधानिक परिषद्को बैठक प्रधानमन्त्री साहले बोलाएका छन् । सभापति थापाले प्रधानन्यायाधीश आफनालाई बनाउनका लागि प्रधानमन्त्रीले सो बैठक बोलाउनुभएको भन्दै त्यस्ता खालका जालझेल आपत्तिजनक रहेको बताए ।
प्रतिक्रिया दिनुहोस्