नमस्ते पे को सीईओमा पोखरेल

काठमाडौँ । नमस्ते पे का नवनियुक्त प्रमुख कार्यकारी अधिकृत प्रवीणराज पोखरेलले आइतबारदेखि कार्यभार सम्हालेका छन् । बैशाख १५ गते नेपाल डिजिटल पेमेंट्स कम्पनी लिमिटेडको सञ्चालक समितिले पोख्ररेललाई औपचारिक रूपमा कम्पनीको सीईओमा नियुक्त गरेको हो ।

पोखरेलले भने, “बैंक भएका र डिजिटल शिक्षा पाएका मानिसहरूलाई मात्र नभई बैंकविहीनहरूलाई पनि आधुनिक सेवाहरू उपलब्ध गराएर नगदरहित समाजको निर्माण गर्ने सेवामा रहेकाले व्यवसायिक कार्यसम्पादनमा सफलता प्रदान गर्न टोलीसँग काम गर्न म धेरै केन्द्रित हुनेछु।“

पोखरेल बैंक तथा वित्तीय संस्था, भुक्तानी प्रणाली र फिनटेक कम्पनीहरूमा २७ वर्ष भन्दा बढी सेवा दिएका छन् ।

यसअघि पोखरेलले एफवान सफ् इन्टरनेशनल र एमएन नेपाल लि. को प्रमुख कार्यकारी अधिकृतको रूपमा काम गरिसकेका छन् ।

उनीसँग बैंकिङ क्षेत्रमा लामो अनुभव रहेको छ । उनले ग्लोबल आइएमई बैंक, नबिल बैंक, बैंक अफ काठमाडौँ र हिमालयन बैंकमा वरिष्ठ व्यवस्थापन र मध्य व्यवस्थापन पदहरूमा काम गरिसकेका छन्। उनले युकेएड कोषको परियोजनामा मोबाइल फाइनान्सियल सर्भिस र भुक्तानी प्रणाली सल्लाहकारका रूपमा काम गरेका छन् ।