काठमाडाैँ । ऊर्जा जलस्रोत तथा सिंचाई राज्यमन्त्री पूर्णबहादुर तामाङले ७७ जिल्लामा उज्यालो नेपालको अनुभुति दिनेगरी विद्युतीकरण गर्ने बताएका छन् ।
आइतबार ललितपुर निर्माण व्यवसायी संघले आयोजना गरेको एक कार्यक्रममा बोल्दै राज्यमन्त्री तामाङले सरकारले ७७ जिल्लाका जनतालाई विद्युतको सुविधा पु¥याउने बताए ।
उनले जतिसुकै खर्च लागे पनि गरिव जनताको घरमा बिजुली बालेर छाड्ने संकल्प लिएको उल्लेख गरे । मुलुकका जलविद्युत उत्पादनको सम्भावना राम्रो रहेको भन्दै उत्पादित विद्युत जनताको घरमा पु¥याउन आवश्यक रहेको उनले बताए ।
अहिले पनि ७७ जिल्लाका सबै ठाउँमा विद्युत पुग्न बाँकी रहेको भन्दै सरकारले चाँडै मुलुक विद्युतीकरण घोषणा गर्ने गरी काम गर्ने उनकाे भनाइ छ । उनले मुलुकमा भएको ब्यापार घाटा कम गर्ने ऊर्जा क्षेत्रले धेरै महत्वपूर्ण भुमिका खेल्ने बताए ।
उनले निर्माण व्यवसायीहरुको बाँकी भुक्तानी सरकार तिर्दै गएको बताए । सिंचाई मन्त्रालयले दिनुपर्ने निर्माण व्यवसायीहरुको भुक्तानी तत्काल दिने पनि उनले उल्लेख गरे ।
प्रतिक्रिया दिनुहोस्