सुनको मूल्य घट्यो, कतिमा हुँदैछ कारोबार ?

काठमाडौं । नेपाली बजारमा सुनको मूल्य सामान्य घटेको छ । नेपाल सुनचाँदी महासंघका अनुसार बिहीबार छापावाल सुनको मूल्य प्रतितोला १ सय रुपैयाँले घटेको छ ।

महासंघका अनुसार बजारमा आज सुनको मूल्य प्रतितोला १ लाख ६० हजार ५ सय रुपैयाँमा कारोबार भइरहेको छ ।

हिजो बुधबार सुनको मूल्य १ लाख ६० हजार ६०० रुपैयाँमा कारोबार भएको थियो ।

त्यस्तै चाँदीको मूल्य प्रतितोला ३० रुपैयाँले बढेको छ । महासंघका अनुसार आज चाँदी प्रतितोला १ हजार ८ सय ८५ रुपैयाँमा कारोबार भइरहेको छ ।