नेप्से ७ अंकले बढ्दा ९ अर्ब ९० करोड रुपैयाँ बढिको कारोबार

काठमाडौँ। साताको कारोबारको तेस्रो दिन सेयरबजार झिनो अंकले बढेको छ । नेपाल स्टक एक्सचेन्जका अनुसार मंगलबार सेयर मापक सूचक ७.१३ अंकले बढेर २७६५.८८ अंकमा पुगेको छ ।

आज नेप्सेमा कारोबार भएका कुल १३ उपसमुहमध्ये ७ ओटा उपसमुहको सेयरमूल्य बढेको छ भने बाँकी ६ ओटा उपसमुहको सेयरमूल्य घटेको छ ।

आजको दिन नेप्सेमा हिमालयन रिइन्स्योरेन्सको सबैभन्दा धेरै कारोबार भएको छ । कम्पनीको एक अर्ब २ करोड ६२ लाख ७३ हजार ९०८ रुपैयाँको कारोबार भएको छ ।

मंगलबार नेप्सेमा गार्डियन माइक्रो लाइफ इन्स्योरेन्सका लगानीकर्ताले सबैभन्दा बढी कमाएका छन् । कम्पनीको सेयरमूल्य १० प्रतिशतले बढेर सकारात्मक सर्किट लागेको छ ।

विन नेपाल लघुवित्त वित्तीय संस्थाका लगानीकर्ताहरुले सबैभन्दा बढी गुमाएका छन् । कम्पनीको सेयरमूल्य ८.९७ प्रतिशतले घटेको छ ।

कुल ३१२ कम्पनीको एक करोड ७८ लाख ६५ हजार ७०३ कित्ता सेयर किनबेच हुँदा ९ अर्ब ९० करोड ९३ लाख ८६ हजार २२७ रुपैयाँको सेयर कारोबार भएको नेप्सेले जनाएको छ ।