काठमाडौँ । नेपाल स्टक एक्सचेन्जले नेप्से सूचकांक गणना सम्बन्धमा जनचासोलाई सम्बोधन गर्न प्रेस विज्ञप्ति जारी गरेको छ ।
नेप्सेले नियमित कारोबार सत्रमा बिहान ११ बजे बजार खुलेपछि ३ बजेसम्म प्रत्येक कारोबार ९टिक बाई टिक० को कारोबार मूल्य ९टे«डेड प्राइस० लाई सूचीकृत सेयर संख्या (लिस्टेड सेयर) ले गुणना गरी नेप्से सूचकांक गणना गरिने उल्लेख गरेको छ ।
अपरान्ह ३ बजेपछि भने नेप्सेको स्वचालित प्रणालीले प्रत्येक कारोबार मूल्य र कारोबार भएका सेयर संख्याबाट भारित औसत मूल्य ९वेटेज एभरेज प्राइस० निकालेर सोका आधारमा नेप्से सूचकांक गणना गर्ने गरिएको नेप्सेले जनाएको छ ।
स्वचालित कारोबार प्रणालीले पहिलो चरणमा २ः४५ देखि ३ बजेसम्म प्रत्येक कम्पनीको प्रत्येक कारोबार मूल्य र कारोबार सेयर संख्याका आधारमा भारित औसत मूल्य अर्थात अन्तिम मूल्य ९क्लोजिङ प्राइस० गणना गर्छ। स्वचालित कारोबार प्रणालीले दोस्रो चरणमा त्यसरी प्राप्त भारित औसत मूल्यका आधारमा बजार परिसूचक गणना गर्ने गर्छ, विज्ञप्तीमा भनिएको छ ।
नियमित सत्रको कारोबारमा सूचकांक गणना गर्दा कम्पनीको कारोबार सेयर संख्याको प्रभाव हुँदैन । अपरान्ह ३ बजेपछिको गणनामा कम्पनीको कारोबार सेयर संख्याको प्रभाव हुने नेप्सेले उल्लेख गरेको छ ।
यो विश्वव्यापी असल अभ्यासलाई नेपाल धितोपत्र बोर्डबाट स्वीकृत भएको कारोबार सञ्चालन विनियमावली ९चौथो संशोधन०, २०८१अनुरुप नेप्से सञ्चालक समितिको निर्णय अनुसार मिति २०८१ चैत ७ गतेदेखि कार्यान्वयनमा ल्याइएको हो ।
प्रतिक्रिया दिनुहोस्