काठमाडाैँ । सुनसरीका ग्रामीण क्षेत्रका पत्रकार तथा फोटो पत्रकारहरूको व्यावसायिक सीप विकास गर्ने उद्देश्यले दिगो पर्यटन परियोजनाअन्तर्गत आयोजित एकदिने आधारभुत फोटो पत्रकारिता तालिम सफलतापूर्वक सम्पन्न भएको छ ।
इटहरीस्थित त्रियुगा होटलमा बिहीवार सम्पन्न यो कार्यक्रममा जिल्लाका विभिन्न ग्रामिण भेगबाट २१ जना पत्रकार तथा फोटो पत्रकारहरूको उत्साहपूर्ण सहभागिता थियो ।
अनुभवी प्रशिक्षक तथा फोटो पत्रकार ओमप्रकाश यादवको नेतृत्वमा सञ्चालित तालिममा वन्यजन्तु तथा प्रकृति फोटोग्राफीका आधारभुत सीप, क्यामेरा सेटिङ, प्रकाश व्यवस्थापन, कम्पोजिसनका सिद्धान्तहरू, फोटोमार्फत कथा भन्ने कला र पत्रकारितामा फोटोको महत्वजस्ता विषयमा व्यवहारिक प्रशिक्षण दिइएको थियो ।
सहभागीहरूले फिल्ड अनुभवसहितका उदाहरणीय प्रश्तुति, अन्तरक्रिया र हातेखुट्टाले अभ्यासबाट नयाँ ज्ञान तथा सीप हासिल गरेको बताएका छन् ।
आयोजकहरूकाअनुसार यो तालिमले ग्रामिण पत्रकारहरूलाई थप सशक्त बनाई कोशी क्षेत्रको स्थानीय पर्यटन, वातावरण संरक्षण र वन्यजन्तुका मुद्दालाई राष्ट्रिय तथा अन्तर्राष्ट्रिय स्तरमा प्रभावकारी ढंगले उजागर गर्न मद्दत पुग्नेछ ।
दिगो पर्यटन प्रवद्र्धनतर्फ यो महत्वपूर्ण कदम हो । तालिम अवधिभर नेपाल पर्यटन बोर्ड र यूएनडीपीजस्ता संस्थाहरूले सञ्चालन गरेका सम्बन्धित कार्यक्रमहरूले पनि यसको औचित्य पुष्टि गर्छन् । कार्यक्रमको समापनमा सहभागी सबैलाई प्रमाणपत्र प्रदान गरिएको थियो ।
सहभागीहरूले यस्ता तालिमले कार्यको गुणस्तर वृद्धि गर्ने, आत्मविश्वास बढाउने र स्थानीय मुद्दालाई विश्वव्यापी बनाउनेमा सहयोग पुग्ने प्रतिक्रिया दिएका छन् । सरोकारवालाहरूले यसलाई ग्रामिण पत्रकारिताको सुदृढीकरण र दिगो पर्यटनको आधारस्तम्भ ठानेका छन् ।
प्रतिक्रिया दिनुहोस्