आइतबार नेप्से १९ अंकले घट्यो

काठमाडौं । साताको कारोबारको पहिलो दिन सेयरबजार दोहोरो अंकले घटेको छ । नेपाल स्टक एक्सचेन्जका अनुसार आइतबार सेयर मापक सूचक नेप्से परिसूचक १९.९२ अंकले घटेर २५९५.१० अंकमा पुगेको छ ।

आज नेप्सेमा कारोबार भएका कुल १३ उपसमुहमध्ये म्युचुअल फण्ड बाहेक सबै उपसमुहको सेयरमूल्य घटेको छ ।
आइतबार नेप्सेमा स्वस्तिक लघुवित्तको सबैभन्दा धेरै कारोबार भएको छ । कम्पनीको १३ करोड ५ लाख बढिको कारोबार भएको हो ।

आजको दिन एसवाई प्यानलका लगानीकर्ताले सबैभन्दा धेरै कमाएका छन् । कम्पनीको सेयरमूल्य ९.९९ प्रतिशतले बढेको छ।

कुल ३४५ कम्पनीको १ करोड १२ लाख ९९ हजार ३ सय ३४ कित्ता सेयर किनबेच हुँदा ४ अर्ब ५२ करोड ८७ लाख १५ हजार बढिको कारोबार भएको नेप्सेले जनाएको छ ।