काठमाडाैँ । सामसङले आफ्नो ग्यालक्सी इनोभेसनको अर्को अध्याय ग्यालेक्सी अनप्याक्ड कार्यक्रममा सार्वजनिक गर्न तयारी गरेकाे छ । यो कार्यक्रम २५ फेब्रुअरी २०२६ राति ११:४५ बजे विश्वव्यापी प्रत्यक्ष स्ट्रिमिङ मार्फत हेर्न सकिने जनाइएकाे छ।
यस कार्यक्रममा मोबाइल प्रविधिमा भएका नवीनतम प्रगतिहरू प्रदर्शन गरिने उल्लेख गरिएकाे छ । जसले प्रयोगकर्ताहरूलाई दैनिक जीवन सहज बनाउन डिजाइन गरिएका बुद्धिमान, एआइ-समर्थित अनुभवहरूको नयाँ युग प्रस्तुत गर्ने जनाइएकाे छ।
कम्पनीका अनुसार ग्यालेक्सी अनप्याक्ड सँधै नवीनतम आविष्कारहरूको मञ्च रहेकाे छ । यस वर्ष पनि यसले अत्याधुनिक डिजाइन, शक्तिशाली प्रदर्शन र स्मार्ट इकोसिस्टम इंटिग्रेशन मार्फत आफ्नो परम्परा निरन्तरता दिने वाचा गरेको छ।
आगामी लन्चबारे टिप्पणी गर्दै सामसङ एमएक्स डिभिजनका डाइरेक्टर प्रणय रत्न स्थापितले भने, “ग्यालेक्सी अनप्याक्ड हाम्रो अर्थपूर्णनवप्रवर्तन प्रति प्रतिबद्धताको प्रतिनिधित्व गर्दछ, जसले दैनिक जीवनलाई अझ सहज बनाउँछ। यस लन्च बाट हामी यस्तो प्रविधि प्रस्तुत गर्न उत्साहित छौं, जुन केवल शक्तिशाली नभई प्रयोगकर्ताहरूको आवश्यकतासँग बुद्धिमानीपूर्वक अनुकूलन गर्छ र उनीहरूको अनुभवलाई पहिलेभन्दा अझ सहज, जोडिएको, रव्यक्तिगत बनाउँछ।”
प्रत्यक्ष स्ट्रिमिङ हुने यो कार्यक्रम संपूर्ण नेपालभरका दर्शकहरूले पहुँच गर्न सक्नेछन् ।
प्रतिक्रिया दिनुहोस्