काठमाडौँ । टक्सार पिखुवा खोला हाईड्रोपावर लिमिटेडको आइपिओ बाँडफाँड भएको छ । गत २३ गतेदेखि २८ गतेसम्म सर्वसाधारणलाई निष्कासन गरेको आईपीओ आज (बुधबार) बाँडफाँड भएको हो।
कम्पनीको आईपीओमा मागभन्दा बढी आवेदन प्राप्त भएकाले उक्त आईपीओ बाँडफाँड गोलाप्रथा विधिबाट भएको बिक्री प्रबन्धक प्रभु क्यापिटलले जनाएको छ ।
कम्पनीले सर्वसाधारणका लागि २५ लाख १५ हजार ४५५ कित्ता आईपीओ निष्कासन गरेको थियो । जसमध्ये कम्पनीको उक्त आईपीओमा कुल २९ लाख ४८ हजार ९ सय ६६ आवेदन परेको छ । यसमध्ये २७ लाख ७१ हजार २ सय ५२ आवेदन सदर भएको छ ।
कुल सदर आवेदकमध्ये २ लाख ५१ हजार ५ सय ४५ जनालाई १० कित्ताका दरले २५ लाख १५ हजार ४५० कित्ता आईपीओ बाँडफाँड गरिएको प्रभु क्यापिटलले जनाएको छ । बाँकी ५ कित्ता सेयर भने आईपीओ परेकामध्ये ५ जनालाई थप एक÷एक कित्ता दिइएको छ ।
आईपीओको नतिजा मेरो सेयर तथा सिडिएस एण्ड क्लियरिङको वेबसाइटमार्फत हेर्न सकिनेछ ।
प्रतिक्रिया दिनुहोस्