काठमाडौं । नेपाल इन्फ्रास्ट्रक्चर बैंक लिमिटेड (निफ्रा)को खुद नाफा आर्जन बढेको छ । कम्पनीले सर्वाजनिक गरेको चालु आर्थिक वर्ष २०७९/८० को दोश्रो त्रैमाससम्मको अपरिष्कृत वित्तिय विवरण अनुसार खुद नाफा ७३ प्रतिशतले बढेको हो ।
उक्त विवरण अनुसार चालु आर्थिक वर्षको दोश्रो त्रैमाससम्म आइपुग्दा बैंकले ६० करोड ४१ लाख ८ हजार रुपैयाँ खुद नाफा कमाउन सफल भएको छ । यो नाफा रकम गत वर्षको सोही अवधिको तुलनामा ७३.२७ प्रतिशतले धेरै हो । गत वर्षको यसै अवधिमा बैंकले ३४ करोड ८६ लाख ४४ हजार रूपैयाँ खुद नाफा कमाएको थियो ।
दोश्रो त्रैमाससम्म आइपुग्दा बैंकको सञ्चालन मुनाफा पनि ७३.०९४ प्रतिशतले बढेर १ अर्ब ९ करोड ४५ लाख रूपैयाँ पुगेको छ । गत वर्ष बैंकले ८२ करोड ४९ लाख ३६ हजार रूपैयाँ सञ्चालन मुनाफा गरेको थियो ।
समिक्षा अवधिसम्म बैंकको खुद व्याज आम्दानी पनि ६०.८८ प्रतिशतले बढेर १ अर्ब ३२ करोड ४९ लाख रूपैयाँ पुगेको छ । गत वर्षको यसै अवधिमा बैंकको खुद व्याज आम्दानी ८२ करोड ३५ लाख ५६ हजार रूपैयाँ रहेको थियो ।
त्यस्तै, बैंकको चुक्ता पुँजी २१ अर्ब ६० करोड रुपैयाँ र जगेडा कोषमा १ अर्ब ६६ करोड ९६ लाख रुपैयाँ सञ्चित रहेको छ । बैंकको प्रतिसेयर आम्दानी ९ईपीएस० ७ रुपैयाँ ०९ पैसा, प्रतिसेयर नेटवर्थ १०७ रुपैयाँ ७३ पैसा र मूल्य आम्दानी अनुपात ३२.१४ गुणा रहेको छ ।
प्रतिक्रिया दिनुहोस्