काठमाडौँ । दशैं, तिहार र छठ पर्वको अवसरमा यती एयरलाइन्सले आफ्ना यात्रुका लागि आकर्षक उपहार योजना घोषणा गरेको छ ।
यती एयरलाइन्सले आफ्ना आधिकारिक सामाजिक सञ्जाल मार्फत् ‘महोत्सवको बहार, यतीको उडानमा सानदार उपहार’योजना सार्वजनिक गरेको हो । यो योजना २८ असोजदेखि ७ मंसिरसम्म लागु हुनेछ ।
यसअवधिमा यात्रा गर्ने यात्रुहरुमध्ये गोलाप्रथाद्वारा प्रथम हुने १ जनालाई बजाज पल्सर एनएस २०० बाइक दिने घोषणा गरेको हो ।
यस्तै दोस्रो हुनेले बैंकक एयर टिकट (एक जोडी) पाउनेछन् भने तेस्रो हुनेले एलजीको वासिङ मेसिन र चौथो बिजेताले श्रीबालाजी डाइमण्ड (एसबीडी)को तर्फबाट हिराको टप जित्नेछन् ।
साथै, यती मोबाइल एप वा बेवसाइटमार्फत् टिकट काटी उड्ने यात्रुहरुमध्ये हरेक हप्ता १ जनाले फार्म सप, लुक्ला आउटडोरको तर्फबाट आकर्षक उपहार प्राप्त गर्नेछन् भने सिद्धार्थ बुटिक होटलको तर्फबाट दुई जोडीले ‘नाइट स्टे’ पाउनेछन् ।
त्यस्तै, प्रत्येक यात्रुले पठाओ, मिसिसा र इना सेन्टरको तर्फबाट स्योरसट प्राइजको रुपमा डिस्काउन्ट भौचर प्राप्त गर्न सक्नेछन् । डिस्काउन्ट भौचर दाबी गर्नका लागि भने यात्रुहरुले विमानमा इन(फ्लाइट इन्टरटेन्मेन्ट सर्भिस प्रयोग गर्दै गर्दा दशैं क्याम्पियन ब्यानरमा क्लिक गरेर आफ्नो विवरण भरी पेश गर्नुपर्ने व्यवस्था रहेको छ ।
सो योजना चलिरहँदा सामाजिक सञ्जालमा समय–समयमा सोधिने प्रश्नको सही जवाफ दिनेहरुमध्येबाट ३ जनालाई विशेष क्रियसनको तर्फबाट आकर्षक गिफ्ट ह्याम्पर प्रदान गरिने छ ।
योजना सकिए लगत्तै आफ्नो फेसबुक पेजमार्फत् लाइभ गरेर बिजेताहरु घोषणा गरिने यती एयरलाइन्सले जानकारी दिएको छ ।
प्रतिक्रिया दिनुहोस्