वृद्धवृद्धाको संख्या बढ्दै जाँदा इटालीमा घट्दै युवा जनसंख्या

इटालीमा युवा वयस्कहरूको संख्या पछिल्लो दुई दशकहरूमा तिब्र रूपमा घटेको छ ।  देशमा वृद्ध व्यक्तिहरूको संख्या भने बढेको छ ।

इटालीको नेशनल इन्स्टिच्युट अफ स्ट्याटिस्टिक्सले आफ्नो २०२४ को वार्षिक प्रतिवेदनमा इटालियनहरूले जीवनमा विवाह गर्न र बच्चाहरू जन्माउन नचाहने गरेको पाइएको बताएको छ ।

इटालीमा युवा वयस्कहरूको संख्या – १८ र ३४ वर्ष बीचको व्यक्तिको समूह २१ वर्षको अवधिमा ३ मिलियन भन्दा बढीले घटेको छ । युवा वयस्कहरूको संख्या २००२ मा १३.३९ मिलियनको तुलनामा २२.९ प्रतिशतले घटेर १०.३३ मिलियनमा आइपुगेको छ ।

इटालीमा वृद्ध व्यक्तिहरूको संख्या उही अवधिमा बढेको छ । जुन १९९४ मा ९.१ मिलियनबाट गत वर्ष १४.१ मिलियनमा बढेको छ । यो ५४.४ प्रतिशतले वृद्धि हो । इटालीको युवा र वृद्ध जनसंख्या बीचको यी विकासहरू घट्दो जन्मदर, न्युन आप्रवासन र बढ्दो आयुको कारणले देशको अनौठो जनसांख्यिकीय परिवर्तनको प्रतिबिम्ब हो ।

महिलाहरू पनि आमा बन्न लामो समय पर्खिरहेका छन् । पहिलो पटक आमा हुने औसत उमेर २००२ मा २९.७ वर्षको उमेरमा बढेर ३१.६ वर्ष पुगेको छ । यसैबीच, पुरुषको पहिलो विवाहको औसत उमेर सन् २००२ मा ३१.७ को तुलनामा ३६.५ वर्ष पुगेको छ भने महिलाको उमेर २८.९ बाट बढेर ३३.६ पुगेको छ ।