काठमाडौँ । विश्व किसान संगठन (एफएओ)को सञ्चालकमा नेपालका खेम बहादुर पाठक निर्वाचित भएका छन् ।
एफ ए ओ को मुख्यालय इटालीको रोममा भएको विश्व भरका किसानहरुको छाता संगठन विश्व किसान संगठनको सञ्चालकमा पाठक निर्वाचित भएका हुन् ।
नेपाल कृषि सहकारी केन्द्रीय संघ लि., साना किसान विकास लघुवित्त वित्तीय संस्था लि. का अध्यक्ष तथा राष्ट्रिय सहकारी महासंघका उपाध्यक्ष रहेका पाठक एसिया प्रशान्तबाट निर्विरोध निर्वाचित भएका हुन् । पाठक सहित विश्व किसान संगठनको सञ्चालकमा विश्वभरबाट ६ जना निर्वाचित भएका छन् ।
विश्वभरका सक्रिय किसान संघ संगठनहरुको छाता संगठनका रुपमा रहेको विश्व किसान संगठनमा नेपालको तर्फबाट सञ्चालक समितिमा निर्वाचित हुने पाठक पहिलो व्यक्ति हुन् ।
प्रतिक्रिया दिनुहोस्