नेप्सेको सिइओ पदपूर्तिको अर्थमन्त्रालयले माग्यो आवेदन

काठमाडौं । नेपाल स्टक एक्स्चेन्ज लिमिटेडको प्रमुख कार्यकारी अधिकृत पदमा खुल्ला प्रतिस्पर्धाद्वारा पदपूर्ति गरिने भएको छ । अर्थमन्त्रालयले नेप्से को प्रमुख कार्यकारी अधिकृत (सीईओ) नियुक्तिको लागि गठन गरेको समितिले पदपूर्तिका लागि आवेदन माग गरेको छ ।

योग्यता भएका इच्छुक नेपाली नागरिकबाट यो सूचना प्रथम पटक प्रकाशित भएको मितिले सात दिन भित्र कार्यालय समयमा अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखामा आवेदन दिन सक्नेछन् ।

सीईओ बन्नका लागि अर्थशास्त्र, वाणिज्य शास्त्र, वित्त शास्त्र, व्यवस्थापन सूचना प्रविधि वा वाणिज्य वा कानून विषयमा मान्यताप्राप्त शिक्षण संस्थाबाट कम्तीमा स्नातकोत्तर वा चार्टर्ड एकाउण्टेन्सी वा सो सरहको उपाधि हासिल गरेको हुनुपर्नेछ ।्

त्यस्तै पुँजी बजार वा वित्तीय क्षेत्र वा व्यवस्थापन सम्बन्धी कार्यमा कम्तीमा सात वर्ष उच्च व्यवस्थापकीय तहमा काम गरेको अनुभव सहित कम्तीमा पन्ध्र वर्षको कार्य अनुभव भएको हुनुपर्नेछ ।

नेप्सेको सिइओ पदपूर्तिको लागि हिजो आइतबार अर्थमन्त्रालयले ती सदस्यीय समिति गठन गरेको थियो । समितिको संयोजकमा अर्थमन्त्रालयका सहसचिव सेवन्तक पोखेल, सदस्यमा सहसचिव अमृत लम्साल र विज्ञका रुपमा डा. खोमराज खरेल रहेका छन् । दुई हप्ता अघि कृष्णमहादुर कार्कीले राजनीतिमा दिएपछि नेप्से नेतृत्वविहीन बनेको छ ।

आवेदकले अर्थ मन्त्रालयको वेबसाइटमा प्रकाशित ‘नेपाल स्टक एक्स्चेन्ज लिमिटेड (नेप्से) को प्रमुख कार्यकारी अधिकृतको छनौट तथा सिफारिस सम्बन्धी कार्यविधि, २०८१ को दफा ३ बमोजिमको कागजात तथा विवरणहरू आवेदक स्वयम्रुले प्रमाणित गरी २ प्रति पासपोर्ट साइजको फोटो समेत संलग्न राखी आवेदन पेश गर्नु पर्नेछ ।

आवेदनसाथ नेप्से को प्रमुख कार्यकारी अधिकृतको छनौट तथा सिफारिस सम्बन्धी कार्यविधि, २०८१’ को दफा ४ बमोजिमको व्यावसायिक कार्ययोजना चार प्रति खामवन्दी गरी पेश गर्नु पर्नेछ । खामवन्दी प्रस्तावको खामबाहिर आवेदकको नाम र ‘नेपाल स्टक एक्स्चेन्ज लिमिटेडको प्रमुख कार्यकारी अधिकृत पदको लागि आवेदन तथा व्यावसायिक कार्ययोजनाू उल्लेख गरी दस्तखत गरेको हुनु पर्नेछ ।

त्यस्तै आवेदन दस्तुर बापत अर्थ मन्त्रालयको कार्यालय कोड नं. ३०५००३५०१, राजस्व खाताः १०००१००२०००१०००० तथा राजस्व शीर्षकः १४२२४ मा जम्मा हुने गरी राष्ट्रिय वाणिज्य बैंक लिमिटेड, सिंहदरबार शाखामा रु. ७ हजार ५०० सय रुपैयाँ बुझाएको सक्कलै भौचर पेश गर्नु पर्ने जारी सूचनामा उल्लेख गरिएकाे छ ।