काठमाडौँ। नेष्डो समृद्ध लघुवित्त वित्तीय संस्था लिमिटेडले चैत १० गते रोयल रिसोर्ट पर्वतमा बिहान ११ बजे वार्षिक साधारण सभा आव्हान गरेको छ । कम्पनीको फागुन १३ गते बसेको सञ्चालक समितिको बैठकले छैटौं साधारण सभा आव्हान गरेको हो । सभाले हाल कायम चुक्ता पूँजीको १४ं.२५ प्रतिशत बोनस सेयर र कर प्रयोजनको लागि ०.७५ प्रतिशत नगद लाभांशको प्रस्ताव पारित गर्ने जनाएको छ ।
सभामा बोनस सेयर बाँडेपछि चुक्ता पूँजी बढ्ने भएकाले सोही बमोजिम कम्पनीको प्रबन्धपत्र र नियमावली संशोधन गर्ने र अन्य लघुवित्तसँग मर्जरका लागि आवश्यक काम गर्न सञ्चालक समितिलाई अख्तियारी दिने प्रस्ताव पारित गर्ने उल्लेख गरेको छ।
सभामा गत आर्थिक वर्षको वार्षिक प्रतिवेदन लगायतका वित्तीय विवरणहरू पारित गर्नेछ । साथै, साधारणसभा तथा लाभांश वितरण प्रयोजनार्थ कम्पनीले फागुन २८ गते बुक क्लोज गर्ने निर्णय गरेको छ ।
प्रतिक्रिया दिनुहोस्